Elskar du Vang?

Skrive 12. januar 2012 av Eli Belsheim

Innovangsjon SA er eit samvirke stifta 20. april 2011 av Vang Sparebank og Vinjerock. Samvirket har som føremål å skape befolkingsvekst i Vang kommune gjennom fokus på trivsel, integrering, næringsutvikling, bustadutvikling og marknadsføring av kommunen.

For å nå målsetjingane våre treng vi to kloke og engasjerte personar med oss på laget:

Innovangsjonsminister og Næringsutviklar

Stillingsprosent og lengde
To heiltidsengasjement (100%), førebels for perioden 01.04.2012 til og med 31.12.2013.

Arbeidssituasjon
Innovangsjonsministeren og Næringsutviklaren vil jobbe tett i lag, og vil sjølve kunne avgjere seg i mellom kven som skal ha hovudansvaret for dei ulike arbeidsoppgåvene. Det er gjennomført ei kartlegging blant unge vangsgjeldingar om deira tankar kring framtida i Vang, som er eit viktig arbeidsverktøy. Det er etablert ressursgrupper for satsingsområda; næringsutvikling, bustader/integrering og marknadsføring. Desse er  arbeids- og ressursgrupper for Innovangsjonsministeren og Næringsutviklaren. I tillegg får dei to tilsette m.a. eit arbeidande styre, Vang kommune, Vinjerock og Vang Sparebank i ryggen. Stillingane rapporterar til styret i Innovangsjon SA ved styreleiar.

Arbeidsplassen vil vere i Vang kommune, med kontorplass i Vang sentrum. Det må påreknast noko reising i båe stillingane. Sjå under arbeidsoppgåver.

Personlege eigenskapar:
Du er genuint oppteken av Vang og framtida til Vang på alle områder. Du er initiativrik, driftig, ryddig, effektiv, inkluderande og motiverande. Du har godt nettverk og deler dette. Du evner å jobbe både etter eigne og andres definerte mål, og ynskjer å oppnå resultat raskt.

Kompetansekrav:
Vi søker primært etter nokon med relevant høgskuleutdanning, men søkjarar med særleg relevant erfaring blir også vurdert. Praksis og resultat frå liknande arbeid er ein føresetnad for søkjarar til stillinga som Næringsutviklar. Kjennskap til Vang kommune er ein føresetnad for søkjarar til stillinga som Innovangsjonsminister.

Arbeidsoppgåver

Næringsutvikling:

• Serviceytande konsulentarbeid, kartlegging og oppfølging av nye og eksisterande bedrifter
• Jobbe for fleire nyetableringar, gründerar og tiltrekke arbeidstakarar som kan jobbe frå Vang via heimekontor/næringshage
• Jobbe for å få etablerte bedrifter til å flytte verksemda si til Vang
• Skaffe finansiering til vidare arbeid med næringsutvikling
• Skape møteplassar for næringslivet

Integrering:

• Bustadskartlegging
• Integrering og oppfølging av til- og attendeflyttarar
• Skape møteplassar for befolkinga

Marknadsføring:

• Drift og vedlikehald av www.vangivaldres.no
• Kontaktperson for Vangsambassadørar i t.d. studentbyane
• Synleggjering av Vang internt og utanfor kommunen gjennom media og andre viktige fora

Skape aktivitet:

• Gje bygdas eldsjeler honnør og drahjelp
• Skaffe finansiering til prosjekt som kjem lokalsamfunnet til gode

Dette tilbyr vi

Vi kan by på arbeidsplass i Noregs flottaste kommune, og landets mest spennande arbeidsplassar for den som likar bygdeutvikling, høge fjell og mykje vêr. Løn etter avtale. Tilsetting snøggast mogleg.

Spørsmål angåande stillingane og søknadsprosessen rettast til styreleiar Eli Belsheim: e-post: eli@vangivaldres.no, mobil 926 94 609.

Søknadsfrist: 31. januar 2011

Søknad med CV og tre forslag til korleis du vil betre framtida til Vang sendast fortrinnsvis på e-post til eli@vangivaldres.no eller til følgjande adresse:
Innovangsjon SA
c/o Vang Sparebank v/Eli Belsheim
2975 Vang i Valdres