Drop-in kontor i Synshagen

Skrive 2. juli 2012 av Magne Grihamar

Vangivaldres.no blei invitert bort til Synshagen næringspark for å høyre meir om moglegheitene for kontorplass som fins der. Vidar Wangensteen og Egil Karlsen i Synshagen Næringspark AS kunne fortelja at dei for tida har nokre ledige kontorplassar.

Kontora vil være utstyrt med stol og kontorpult samt ein dataskjerm for å kople til ein bærbar pc. Sjølvsagt er også internett med i tilbodet, informerer Wangensteen og Karlsen om.

I Synshagen, rett utanfor Vang sentrum, er det dermed akkurat no eit tilbod til ungdom og andre utflytta som er heime. Det er også ein moglegheit for hyttefolk å ta kontakt med oss, legg til Wangensteen til.

I utgangspunkt ynskjer me å leige ut for lengre perioder, men no er det altså berre å ta kontakt med oss, så håpar vi å få til ei løysing, avsluttar Wangensteen og Karlsen.

Ta kontakt med:
Vidar Wangensteen, tlf. 482 67 364, vidarw@elektromontasje.as
Egil Karlsen, tlf. 911 01 928
John Myhre, tlf. 975 19 537