Vakre Vang ligg lengst vest i Valdres, og har følgjande
gode naboar: Vestre Slidre, Øystre Slidre, Lom og Vågå i Oppland,
Luster, Lærdal og Årdal i Sogn og Fjordane, og Hemsedal i
Buskerud.
Vang har beslaglagt 1 503 km² av Noregs areal, og for tida bur
det om lag 1 591 innbyggjarar i kommunen. Dei har funne sin plass i
ei kommune der 88% av areaelt ligg høgare enn 900 moh. Det høgste
punktet i kommunen er Vestre Kalvehøgde (2 208 moh), medan
Lomendeltaet er det legste (363 moh).
Vang er kommunen der mjuk austlandsnatur møter det ville vest,
noko som for alvor syner seg når Vangsmjøsa opnar seg, med høge
tindar på alle sider. Anten du skal til Oslo eller Bergen har du om
lag 250 km køyring framfor deg.
Vang er heimkommunen til Vinjerock, ein av Noregs mest kjende
rockefestivalar. Den blir arrangert på Eidsbugarden, ved foten av
Jotunheimen Nasjonalpark.