Er du Vang kommune sin nye byggesaksbehandlar?
Kort om stillinga
Vang kommune har ledig engasjement i 100% stilling som avdelingsingeniør for byggesaksbehandling. Stillinga er knytt til landbruk og teknisk etat og det er moglegheit for fast tilsetting. Vi søkjer deg som vil vera med å utvikle eit godt fagmiljø med interessante arbeidsoppgåver i eit tverrfagleg arbeidsmiljø. Som byggesaksbehandlar vil du samarbeide med politikarar, næringsliv og innbyggarar.
- Vang kommune søkjer også etter to arealplanleggjarar.
Arbeidsoppgåver
- Behandle søknader etter plan- og bygningslova - både politisk og delegert saksbehandling
- Behandle søknad om utsleppsløyve etter forureiningslova
- Førebu og leggje fram saker for politiske utval
- Informere, rettleie og gi bistand i byggesaker
- Tilsyn og oppfølging av ulovlege tiltak
- Føring av bygningsinformasjon i kart og matrikkel
- Andre arbeidsoppgåver kan bli lagt til stillinga ved behov
- For rette vedkomande kan 20% stilling som beredskapskoordinator bli lagt inn i stillinga
Kvalifikasjonskrav
- Relevant utdanning frå universitet eller høgskule
- Relevant erfaring frå fagområdet kan vega opp for manglande formal kompetanse
- God kjennskap til lov- og avtaleverk for byggesaksbehandling
- Generell byggteknisk kunnskap som grunnlag for utøving av kommunal
- saksbehandling
- Gode datakunnskapar
- Personleg eignaheit
Vi søkjer deg som
- Likar å ta utfordringar
- Har interesse for byggeskikk og estetikk
- Har gode kommunikasjons- og samarbeidsevner
- Er fleksibel og kan takle ein krevjande arbeidskvardag
- Kan handtere interessekonflikter som kan oppstå i samband med arbeidet
- Er engasjert, ansvarsbevisst og serviceorientert
Vi tilbyr eit godt arbeidsmiljø, løn etter avtale, gode forsikrings- og pensjonsvilkår, fleksibel arbeidstid og hjelp til å skaffe bustad. Vang kommune har nynorsk som målform. Tilsetting skjer på vilkår som gjeld til ei kvar tid i kommunal sektor. Vedkomande må ha sertifikat og stille bil til disposisjon. Bilgodtgjersle etter statens reiseregulativ.
Nærare opplysning om stillinga får du ved å ta kontakt med etatsleiar Terje Hålien på tlf. 61 36 94 71 / 970 85 100.
Søknad merka arkivsak nr. 19/38 blir å sende elektronisk via heimesida www.vang.kommune.no innan 5. april 2019.
Treng du folk?
Driv du verksemd i Vang, og treng fleire folk på laget? Vi kan gjerne hjelp deg med å synleggjere dei ledige stillingane dine - og tipse aktuelle kandidatar som vi kjenner til.
På jobbjakt?
Ta gjerne kontakt med oss dersom du er på jakt etter jobb i Vang. Vi er stadig i kontakt med verksemder som treng ulike typar folk, og då er det kjekt for oss å vite om aktuelle kandidatar. Send oss ein e-post eller ring for ei samtale om moglegeheiter i Vang!