Frisbeegolf er ein enkel og underhaldande aktivitet som passar for alle aldrar. Målet er å kaste ein frisbee frå startpunkt til ei metallkurv på så få kast som mogleg. Banen har fleire hol, likt som vanleg golf, men i staden for kølle og ball bruker du frisbee. Det er ein perfekt måte å vere ute i frisk luft, nyte naturen og ha det moro saman med familie og venner!
I Vang kan du spele på to flotte baner: éin ved Tyin Filefjell og éin i Ryfoss. Banene passar både for nybyrjarar og erfarne spelarar, og gir ein flott kombinasjon av aktivitet, natur og moro. Ta med familie eller venner og prøv deg på ein runde frisbeegolf i sommar!
