Vang satsar offensivt på næringslivet i kommunen. Vang har lange tradisjonar innanfor m.a jordbruk, handverk, kultur og reiseliv - med mange solide verksemder og spenstige satsingar.
Dei overordna målsetjingane med næringsutviklingsarbeidet er fastsett i nyleg revidert kommuneplan – samfunnsdelen. Prioriteringar for næringsutviklinga i Vang inneber m.a.
- Variert og framtidsretta næringsliv
Fremje mangfald og konkurransedyktige verksemder. - Styrke landbruket og busetjing
Fokus på husdyrhald, lokal ressursutnytting og matberedskap. - Attraktivitet og rekruttering
Tiltrekke arbeidstakarar og leggje til rette for nyetableringar. - Reiseliv og besøksforvaltning
Utvikle Tyinkrysset og Filefjell til heilårs destinasjon og sikre gode opplevingar. - Strategisk samarbeid og vekst
Utarbeide næringsplan og skape 20 nye arbeidsplassar årleg fram mot 2040.
Vang kommune har god kontakt mot og samarbeider tett med Valdres Næringshage, Valdres Natur og Kulturpark, Visit Valdres og eksisterande næringsliv i både Vang, Valdres og verda ellers.
Via næringsfondet er det høve til å søkje om støtte til tiltak, aktivitetar, prosjekt og satsingar som fremjar nærings- og samfunnsutvikling i kommunen vår. I tillegg er det høve til å søkje om tilskot til ENØK-tiltak og næringsstipend. Nærare info om næringsfondet finn du her: Næringsfond - Vang kommune
Landbruket er som nemnt ei viktig næring. Landbruksverksemdene kan og søkje om kommunalt tilskot til ulike føremål. Nærare info om ordninga og retningslinjar finn du her: Kommunalt tilskot til landbruksføremål (PDF, 541 kB)
Kontorplassar og næringsareal
I Vang er det to kontorfellesskap med kvar sin profil. Synshagen næringspark har blant anna IT, byggjefirma, elektrofirma, rekneskapskontor og entrepenørar i sine rekker. På Kontorfellesskapet 1724 finn du små og større kultur– og teknologi–bedrifter.
Kommunen kan tilby regulert næringsareal i heile kommunen - ta kontakt med Vang kommune
Ta elles kontakt med næringsrådgjevar Erling Oppheim om du har spørsmål om næringsutvikling i Vang.
