Er du ny i Vang, nysgjerrig på Vang, eller allereie busett i Vang?
For å bu og trivast i Vang er det mange faktorar som skal vere på plass, som jobb, bustad og eit sosialt nettverk. Kommunen sitt nyetablerte bulystteam vil hjelpe deg med nettopp dette! Målet for teamet er at fleire flytter til Vang, at dei unge som veks opp her ønskjer å flytte heim, og at dei som allereie bur her har det bra.
Det skjer allereie utruleg mykje bra i Vang. Bulystteamet har som oppgåve å kartlegge tidlegare og eksisterande bulysttiltak, avdekke behov og prioritere nye tiltak, og koordinere bulystarbeid i Vang i samarbeid med både næringsliv, organisasjonsliv og eldsjeler.
Kontakt bulystteamet
Du kan kontakte teamet om du har spørsmål eller innspel om arbeid, bustad eller sosiale nettverk og fritidsaktivitetar i Vang, så vil vi hjelpe deg så godt vi kan:
Marte Tangen, dagleg leiar på Frivilligsentralen, har oversikt over dei flotte tilboda som frivillige lag allereie skapar i Vang, og skal sørge for godt samspel med foreiningslivet.
- frivilligsentralen@vang.kommune.no // 46 81 64 73
Erling Oppheim, næringsrådgivar, har overblikk over arbeidsmarknaden og bustadsituasjonen i Vang, og skal sikre godt samspel med næringslivet.
- erling.oppheim@vang.kommune.no // 95 17 25 95
Solfrid Jordalen Jægersborg, HR-leiar i kommunen, har oversikt over ledige jobbar i kommunen og tiltak som kan gjennomførast på arbeidsplassen.
- solfrid.jordalen@vang.kommune.no // 90 36 71 72
Marta Bjørnøy Lalim, kommunalsjef for utdanning og kultur, har overblikk over kulturlivet og skule/barnehage, som er viktige delar av satsinga.
- marta.bjornoy.lalim@vang.kommune.no // 97 75 66 65
Anastasia Glæsel, programrådgivar på læringssenter, som speler ei viktig rolle i arbeidet med utdanning og inkludering av flyktningane som blir busett i Vang.
- anastasia.glesel@vang.kommune.no // 46 74 42 87