2022 er frivilligheitas år. Den frivillige innsatsen skal hyllast og dei frivillige skal heidrast! Og kva passar vel då betre enn å samle Vang sine frivillige lag og foreiningar, for ein stor festdag?
Det er nemleg akkurat det som skal skje. Laurdag 30. april samlast 30 lag og foreiningar i Vangshallen for å halde stands og vise seg fram! For det finst så mange flotte aktivitetar du kan delta på i Vang, og her har du verkeleg moglegheit til å få informasjon, bli kjent med tilboda og kanskje blir inspirert til å delta på noko nytt.
Ordførar Vidar Eltun kjem for å sparke i gong dagen med velvalgte ord, også brakar Frivilligmarknaden laus! Det blir underhaldning gjennom heile dagen, både gla´dansen, Høre mannskor, Fjellblom musikklag og fleire til skal sørge for ekstra god stemning denne dagen. Det blir og moglegheit til å teste nokre aktiviteter, og du får informasjon om alt det kule du kan halde på med i Vang!
Sjølvsagt må ein også ha litt å bite i på ein slik stor dag, så det blir sal av ulike matrettar frå fleire av restaurantdriverane i Vang. Lunsj, kake, frukt, sprudlende god brus og farris, frukt og kaffi er det du finn på menyen denne dagen.
Frivilligmarknaden arrangerast i Vangshallen laurdag 30. april frå 12.00-16.00. Dette er eit gratis arrangement og me håpar å sjå akkurat deg der!