Tysdag 12. oktober blir det Handarbeidsverkstad på Vang folkebibliotek kl. 12-15. Her er det husflidslaget som byr på perling, veving, tekning og hekling. Målet er at ungane kan lage ting som kan seljast til inntekt for TV-aksjonen veka etter!
Temaet i år er barn, ikkje brud, altså kampen for at ungar skal få vere ungar og ikkje giftast bort. Då er det flott å synleggjere tematikken gjennom gode aktivitetar og leik.
Torsdag 14. oktober blir det Aktivitetsdag utanfor VBU kl. 12-15. Då skal vi leike og spele spel frå BUA! Det blir disc-golf, kjempe-mikado, kubb, slengtau og strikk, og læringssenteret stiller med matservering.
Vil du hjelpe til? Vi tar gjerne i mot fleire frivillige begge dagane, til å hjelpe ungane med handarbeidet, eller bli med på spel og leik på aktivitetsdagen!
Ta kontakt med frivilligsentralen@vang.kommune.no om du vil bidra.
Aktivitetane er i hovudsak for ungar i skulealder. Dei minste bør ha med seg ein vaksen.
Velkomen skal de vere!
