- Vi har invitert Vestre Slidre/Sør-Aurdal koret og Vangskoret for å lage ein hyggeleg markering av hendinga. Det vert mykje korsong denne kvelden, seier leiar Oddbjørn Skeie.
Mannskoret starta opp i 1943 med Håkon Mikkelsen som initiativtakar. Etter kvart kom Harry Andersen med som dirigent. Etter ei pause frå 1945 til 1948 kom koret i gang igjen med Nils Haugen som dirigent, og han dirigerte koret fram til 1982. Høre mannskor har mykje å takke han for. Frå 1983 har Bjarne Torkildsen, Siri-Gro Solemsli, Gunnar Baden og Monica Korsli Solberg vore dirigentar i koret. No er Silje Helland dirigent, men ho er i barselpermisjon og Oddbjørn Skeie og Jovita Bergheim har vikariert i denne perioden.
Sosialt og spennande kor
Koret har eit godt miljø, der kaffekos og prat i pausa er viktig. Koret har vitja Vinjerock, Grieghallen, København og har vore i Budapest og sunge i Matthias kirken. Eit samarbeid med Nidarosdomen guttekor er og eit viktig augeblikk i historia til koret. Nye turar og opplevingar er under planlegging, der det mellom anna vert snakka om ein tur til Island.
- Alle tidlegare dirigentar er invitert til 80 års markeringa, og nokre av dei vil og dirigere mannskoret på kvelden. Monica og Gunnar kan ein forvente å sjå som dirigent, men kanskje og andre, seier Skeie.
Carl Philip Weisser vil vere konferansier og vil lose uss gjennom litt av historia til Høre mannskor. Det vil bli litt å bite i på kvelden, legg han til.
Velkommen til feiring på tysdag 28.november kl 19.00 på Høre samfunnshus.