- Det er ein nyttårsfest for alle i heile bygda og alle er hjarteleg velkomne til å bli med på feiringa denne kvelden, smiler Marianne Riste.
For på nyttårsaften skal Torsheim kles opp i festdrakt, Syndinstøga skal levere deilig nyttårstapas og det er store moglegheiter for at det blir god underhaldning denne kvelden!
- Her kan ein komme åleine, som par eller med vener, her er det plass til alle som vil feire at vi går inn i det nye året, seier Lise Lajord Munk.
Ingen skal måtte feire åleine
Ideen om å arrangere nyttårsfest på Torsheim sprang ut frå tanken om at ingen skal måtte sitte åleine på nyttårsaften, og at alle skal ha moglegheit til å feire med nokon.
- Det er mange som kanskje ikkje har nokon å feire med, familien er kanskje langt unna, barna er kanskje flytta ut, det finnes eit hav av grunner til at man er åleine eller er færre enn ein pleier å vera, seier Lajord Munk.
- Og nettopp det vil vi prøve å gjere noko med. Dette er jo ein fest for alle saman i bygda, men med ein ekstra varm tanke til dei som faktisk treng å vera saman med nokon denne kvelden, smiler ho.
- Så er det jo noko veldig fint med å møtast på tvers av generasjonar, og bli betre kjent med folk, legg Riste til.
Riste fortel at planlegginga av festen allereie er godt i gang, og at det vil bli ein ordentlig nyttårsfeiring. Det er ikkje satt nokon aldersgrense, men det er tillatt å ta med seg alkohol denne kvelden.
- Vi gler oss veldig til ein fin nyttårsfeiring på Torsheim! Ta med alt festhumør du har og bli med oss inn i det nye året, smiler ho.
Det er påmeldingsfrist til nyttårsfesten 14. desember, og påmeldinga er bindende.
