- Det har vore bratt læringskurve sidan eg starta og fram til no. Ein lærer raskere når ein kjem ut i jobb og får gjere ting i praksis, smiler Rikke Wangensteen.
Etter to år på Gjøvik som student, har ho det siste halvåret tatt fatt på tilværelsen som frisørlærling hjå Føsse Frisørstudio i Ryfoss - og stortrives!
- Å vera lærling er kjempefint! Det er veldig artig å faktisk få arbeide som frisør og ta fatt på arbeidslivet, også er det fint å tjene eigne penger, seier Wangensteen.
Lang erfaring allereie
Allereie før Rikke gjekk ut i lærlingtid hadde ho praksisplass i Ryfoss, og fekk difor god kjennskap både til arbeidsplassen, arbeidsoppgaver, dei ansatte og kundene.
- Det er klart at det har vore ein stor fordel, å bli kjent med sin eigen lærlingplass før ein byrjar for fullt, smiler Wangensteen.
- Også er det jo veldig trivelege og lærevillige kolleger eg har, så det er god stemning å jobbe her, legg ho til.
Og når det ikkje går i hårklipp, stussing og farging - ja, då driv Rikke med noko heilt anna;
- Eg konkurrerer i snøscooter-kjøring, og har gjort det i mange år. Akkurat no ventar eg på ein ny scooter, slik at eg kan delta på fleire konkurranser framover, fortel ho.
- For meg er noko av det beste å vera ute i naturen og få frisk luft. Difor er eg veldig glad for å vera tilbake i Vang, med fin lærlingplass og mykje flott natur rett utanfor døra heime, smiler Wangensteen.
