- Det har vore ein del etterspørsel i Vang etter eit slik tilbod, og eg trur terskelen for å bestille eller handle sjokoladen blir lågare om ein berre kan stikke innom og plukke med seg ein pose når det passar, seier Tone Marie Log i Sjokoladenoter.
- Folk flest synes nok det er litt langt å køyre om Vennis, ler ho.
Difor har ho no ordna i stand eit skåp med smakfull sjokolade på biblioteket i Vang. Her kan du kjøpe med deg ein boks anten du skal lese, studere eller berre har hug på skikkeleg god, lokal sjokolade.
- Det er dei samme type fylte konfektene som vanleg. Smakene varierar, og akkurat no er det seks heilt nye smaker ute! Både i pose og eske, og det er jo heller ikkje så dumt om du manglar gave i siste liten, smiler Log.
Betaling skjer via vipps, og all informasjon du treng står på skåpet. Biblioteket har ikkje ansvar for verken skåpet eller sjokoladen.
- Ein kan og legge inn ei spesifikk bestilling på heimesiden, så sett eg klar bestillinga i kjøleskåpet og du kan hente ut når det passar, fortel ho.
Så, har du høve - ta deg ein tur på biblioteket. Les ei god bok og nyt smaken av ekte glede.
