Eit nytt konsept som kombinerar fast busetnad og fritidsbruk er utvikla for tomteområdet Jevneshaugadn1 i Vang av arkitektstudentar ved NTNU.
«Vår intensjon med oppgåva er å koma med eit forslag som kan nyttast til å auke interessa for utvikling i slike områder, forhindre vidare etablering av einsformige hyttefelt og bidra til auka interesse for tilflytting til stader som Vang», står det å lese i rapporten «Flerbrukshjem i fjellområder» som var klar før jul.
Det var fleire grunner til at arkitektstudentane Miriam Pettersen, Celina Michaelsen Schmidt og Simran Kaur valte Jevneshaugadn sitt skisseprosjektet.
– Vi oppfatta dette som eit område som er såpass tett på både grenda og fjellområda at det kan vera aktuelt for både fast busetnad og fritidsbruk, fortalde dei i forkant av arbeidet i haust.
Studentane tok ikkje stilling til gjeldande reguleringsplanar i sitt arbeid men jobba kreativt med området som studentar for å sjå på moglegheiter.
Sosial kjerne
Konseptet dei enda opp med rettar seg mot både eldre, familiar og arbeidspendlarar. Vi let studentane sjølv beskrive i korte trekk kva dei har tenkt.
«Konseptet vil løse problemet rundt forlatte hyttefelt ved at både helårsboliger og fritidsboliger blir bygget på samme område, også kalt et ”blandingsfelt”. Målet har vært å gi et forslag til løsning så felt som Jevneshaugaden utnytter sitt maksimale potensial og tilrettelegger for en mer bærekraftig bruk.
Arkitektoniske grep som retning, utsikt, dagslys og plassering av enheter i terrenget har blitt presentert.
Samtidig er det gitt forslag til en variasjon av funksjoner og størrelser på enheter for å oppfylle ulike ønsker for de som skal bruke og bo på Jevneshaugadn. For at enhetene og ”flerbruksboligene” skal danne et fellesskap har vi foreslått plasseringer rundt en kjerne.
Med et slikt blandingsfelt hvor det finnes flerbrukshjem og variasjon av enheter vil vi fasilitere for en vekst i tettsteder som Vang. En vekst i næringen, og en vekst i lokalbefolkningen som vil gi en bærekraftig utvikling.»
Positiv grunneigar
I feltet Jevneshaugadn 1 er det atten tomter regulert for fritidsbustad, og grunneigar Anders Kjøs ser på dei nye tankane som særs interessante.
– Både dette med å samle husa i klynger og dette med å opne for fast busetnad ser eg på som positivt både for området og for bygda sin del.
Tanken om «second home» i dette området har han trua på og om fleire er interessert i konseptet er han budd på å gå dei naudsynte rundane med infrastruktur.
Vil du veta meir? Kontakt grunneigar Anders Kjøs: 957 21 571 // anders.kjos@gmail.com
