Vang kommune har ledige lærlingeplassar frå hausten 2023, og er klare for gje nye lærlingar sjansen til å bli helsefagarbeidar. Vi har 2 lærlingeplassar for helsefagarbeidar.
Som lærling hjå oss inngår du lærekontrakt og tek delar av utdanninga di på ein arbeidsstad i kommunen. Lærlingar har rettar og plikter som andre arbeidstakarar. Som lærling har du krav på opplæring, rettleiing og vurdering undervegs i læretida. Etter endt opplæring på arbeidsplassen går du opp til fagprøve.
Aktuelle arbeidsstadar
Som helsefagarbeidar kan du få arbeid i tilrettelagte tenester, på dagsenter, sjukeheimen og i heimetenestane.
Arbeidsoppgåver
Ein helsefagarbeidar gjev omsorg, og utfører grunnleggjande pleie til menneske som er sjuke eller har behov for pleie og omsorg. Det er både yngre og eldre menneske, i og utanfor institusjon.
Sentrale arbeidsområde for ein helsefagarbeidar er:
- Planlegge og gjennomføre grunnleggjande pleie for akutt eller kronisk sjuke og menneske med samansette og komplekse behov
- Setja i gang førebyggjande og behandlande tiltak innan eige ansvars- og kompetanseområde
- Dokumentere forhold om pasienten i elektronisk pasientjournal
- Assistere ved forflytting og trening for å halda oppe funksjonsnivået til brukaren
- Bruke tilgjengeleg velferdsteknologi som til dømes tryggleiksalarmar, lokaliseringsteknologi (GPS), elektroniske medisindispenserar
- Lage måltid og kartleggje ernæringssituasjon
- Dele ut medisinar etter gjeldande rutinar
- Miljøretta tiltak og aktivitetar
Treng du folk?
Driv du verksemd i Vang, og treng fleire folk på laget? Vi kan gjerne hjelp deg med å synleggjere dei ledige stillingane dine - og tipse aktuelle kandidatar som vi kjenner til.
På jobbjakt?
Ta gjerne kontakt med oss dersom du er på jakt etter jobb i Vang. Vi er stadig i kontakt med verksemder som treng ulike typar folk, og då er det kjekt for oss å vite om aktuelle kandidatar. Send oss ein e-post eller ring for ei samtale om moglegeheiter i Vang!