Vang kommune skal auke fokus på tilsyn og oppfølging av tiltak både etter plan- og bygningsloven og forurensningsloven. Kommunen har ei plikt til å forfølge ulovlege tiltak og spreidde avløp. Arbeidet er ressurskrevjande og kommunen har behov for å styrke administrasjonen på dette området og har no oppretta denne stillinga til dette formålet.
Etat for landbruk og teknisk er på jakt etter ein person som vil ha hovudansvaret for tilsyn og oppfølging av tiltak samt spreidde avløp. Som tilsett i etat for landbruk og teknisk vil du bli del av et breitt fagleg kvalifisert og godt sosialt miljø.
Arbeidsoppgåver
- Saksbehandling etter bla plan- og bygningsloven og forurensningsloven
- Oppfølging og kontroll av ulovlege tiltak
- Tilsyn med spreidd avløp
- Rettleiing til publikum, tiltakshavar, ansvarshavande og naboar
- Kontakt med publikum og offentlege instansar
- Førebu saker til politisk behandling
- Arbeidsoppgåver kan bli noko endra etter nytilsett sine kvalifikasjonar/interessefelt
Kvalifikasjonar
- Fullført relevant utdanning på universitet- eller høgskulenivå (bachelor/master), til dømes innan juss eller ingeniørkompetanse
- Relevant og lang praksis kan erstatte manglande formell utdanning
- Gode norskkunnskapar; munnleg og skriftleg, med god framstillingsevne
- God forvaltningsrettsleg kompetanse
- Søkjar må ha førarkort klasse B og disponera bil
- Personlege eigenskapar vil bli tillagt vekt
Treng du folk?
Driv du verksemd i Vang, og treng fleire folk på laget? Vi kan gjerne hjelp deg med å synleggjere dei ledige stillingane dine - og tipse aktuelle kandidatar som vi kjenner til.
På jobbjakt?
Ta gjerne kontakt med oss dersom du er på jakt etter jobb i Vang. Vi er stadig i kontakt med verksemder som treng ulike typar folk, og då er det kjekt for oss å vite om aktuelle kandidatar. Send oss ein e-post eller ring for ei samtale om moglegeheiter i Vang!