Vang folkebibliotek søkjer etter ein person som vil vere sommarvikar i ville, vakre Vang i Valdres i perioden 17. juni – 11. august i 66% stilling.
Biblioteket ligg på Vangstunet i Vang sentrum, og har ingen filialar, men Bok i butikk på Tyinkrysset og i Ryfoss. Biblioteket er ein viktig og aktiv kulturinstitusjon i kommunen, og er samlokalisert med Vang frivilligsentral.
Arbeidsoppgåver
Arbeidsoppgåver vil vere dagleg drift av biblioteket med det som høyrer til av skrankearbeid, bokrydding, handsaming av fjernlån, lage utstillingar og å møte publikum på ein god måte. Det vil vere mogleg for den som får stillinga å vere med å utforme sin eigen arbeidsdag.
To kveldar i veka er det arbeidstid til 19.15.
Kvalifikasjonar
- Gode samarbeidsevner og evne til å arbeide sjølvstendig
- Personlig eignaheit vert vektlagt. Stillinga krev gyldig politiattest
Personlege eigenskapar
- Erfaring og interesse for bibliotekarbeid
- Er levande oppteken av litteratur og formidling
- God kompetanse i bruk av digitale verktøy
- God orden
Vi tilbyr
- Løn etter tariff og arbeidsvilkår etter gjeldande lov – og avtaleverk
- Grundig opplæring i bibliotekdrift
- Tilsetjing på ordinære vilkår som gjeld til ei kvar tid i kommunal sektor
Nærare opplysningar om stillinga kan du få av biblioteksjef Marianne Riste på tlf. 932 49 763.
Treng du folk?
Driv du verksemd i Vang, og treng fleire folk på laget? Vi kan gjerne hjelp deg med å synleggjere dei ledige stillingane dine - og tipse aktuelle kandidatar som vi kjenner til.
På jobbjakt?
Ta gjerne kontakt med oss dersom du er på jakt etter jobb i Vang. Vi er stadig i kontakt med verksemder som treng ulike typar folk, og då er det kjekt for oss å vite om aktuelle kandidatar. Send oss ein e-post eller ring for ei samtale om moglegeheiter i Vang!