19. september 2023
Skiglede og dugnadsånd i Fjellblom IL
Det kokar på Åsvang skistadion. Ungar i alle aldrar trer forventningsfullt på seg startnummer og stiller seg i startkø etter alder. Ein liten gjeng kvinner og menn også – nokon ser dette som årets viktigaste renn, nokon har aldri gått rundt Laglim før men hallo, når poden skal gå så kvifor ikkje far også? Nokon har tatt turen heilt frå Lomen. Det er Åsvangrennet 2023, og i Fjellblom IL blomstrar både skigleda og dugnadsånden.